महाराष्ट्र
श्रीकृष्ण जन्माष्टमी सोहळा मोठ्या भावपूर्ण आणी उत्साह पूर्ण वातावरणात पडला पार.
कृष्णाला बर्‍याच गोष्टी मिळाल्या नाहीत. त्याच्या जन्मानंतर तो लगेच आई वडिलांपासून वेगळा झाला, नंतर नंद-यशोदा भेटले, पण आयुष्यातून ते ही गेले. राधा गेली. गोकुळ गेलं. मथुरा गेली. त्याचं आयुष्यात काही ना काही निसटतचं गेलं. कृष्णाने आयुष्यभर त्याग केला, तो पण अगदी आनंदाने. ज्याला कृष्ण समजला त्याच्या आयुष्याचा सोहळा झाला. आयुष्यात काही सोडावं लागलं तरीही खुश कसं रहायचं? हे कृष्ण शिकवतो. कुरुक्षेत्रावरच्या कृष्णनीतीपेक्षा या गोष्टी जास्त व्याकुळ करतात. आयुष्यात बाकी काही जमलं नाही तरी, कृष्ण बनून हातातून निसटलेल्या गोष्टींचा, क्षणांचा, स्वप्नांचा, आठवणींचा सोहळा करता आला पाहीजे. पहिली शिवी दिल्यानंतर मुंडके छाटण्याची शक्ती असून देखील नव्व्याण्णव आणखीन शिव्या ऐकण्याची क्षमता ज्याच्यात आहे तो कृष्ण आहे, सुदर्शन चक्रासारखे शस्त्र जवळ असून देखील हातात नेहमी बासरी आहे तो कृष्ण आहे, द्वारकेसारखे वैभव असून देखील सुदामासारखा मित्र आहे तर तो कृष्ण आहे, सर्वसामर्थ्यवान असून देखील जो सारथी बनला तो कृष्ण आहे. शेवटी व पु काळे यांचं आपण सारे अर्जुन या पुस्तकातील एक वाक्य आठवत की समस्येच्या स्वरूपानुसार तो आकार धारण करणं आणि समस्येशी एकरूप होणे म्हणजे... कृष्ण होणं! कृष्णम् वंदे जगत् गुरुम् गोकुळ अष्टमीच्या सर्व भाविकांना न्यूज 18 क्राईम जनमत वृत्तवाहिनी तर्फे हार्दिक शुभेच्छा. मुख्य संपादक न्यूज 18 जनमत वृत्त वाहिनी मुंबई.
