रायगड स्थानिक आमदार स्थानिक खासदार उघडा डोळे पहा नीट!

आपला भारत देश स्वातंत्र्य होऊन 75 वर्ष उलटून गेली तरी कीती दुर्दैवी प्रकार घडला महाड तालुक्यात बघावयास मिळत आहे.दि.09/08/2024 रोजी चिंभावे गावचे रहिवाशी दिपेश विठ्ठल माने यांचे आकस्मित निधन जिल्हा ठाणे मानपाडा येथे झाले. दीपेश माने यांचे पार्थिव त्यांच्या मूळ गावी मु. पो.चिंभावे ता. महाड जि. रायगड येथे आणला चिंभावे पासून धनगर वाडीचे अंतर पाच किलोमीटर असून.येथून चिंभावे गावातून धनगरवाडीस जाण्यासाठी रस्त्याची सोय नसल्यामुळे तेथील ग्रामस्थांना मृतदेह त्यांच्या धनगरवाडी येथील राहत्या घरी नेण्यासाठी मोठया अडचणी आल्या असून मृतदेह चक्क डोलीच्या सहाय्याने 5 किलोमीटर घनदाट जंगलातून पाय वाटेने,दगडधोंड्यातून तसेच चिखलातून चिंभावे धनगरवाडी येथे कसा बसा नेण्यात आला. अशा संकट समयी ग्रामस्थांची अवस्था काय होत असेल याचा विचार देखील आपण करू शकत नाही? एखादी व्यक्ती आजारी असेल किंवा एखाद्या महिलेला प्रसूती करिता हॉस्पिटल मध्ये घेऊन जायचं असेल,तर डोली ( डाळगा) अथवा खांद्यावर उचलून 5 किलोमीटर जंगलातून पायावाटेने आणावे लागते. कित्येक वर्षे स्थानिक आमदार व स्थानिक खासदार यांच्याकडे चिंभावे धनगर वाडीचे ग्रामस्थ रस्त्याची मागणी करत असून कोणीही त्यांच्या मागणीकडे लक्ष देत नाही. तेथील वाडीची एकूण लोकसंख्या 150 असून धनगर वाडीच्या रहिवाशांना रस्त्याची अजून कीती वर्षे वाट पाहावी लागणार हे मोठं प्रश्नचिन्ह? चिंभावे धनगरवाडी मधील रहिवाशांना रहदारीचे साधन नसल्यामुळे उपचाराअभावी आपला प्राण देखील गमावावा लागला आहे. कित्येक वाड्यावस्त्या अजून विकासांच्या दृष्टीने अश्याच रखडत पडल्या आहेत. कधी देणार हे सरकार लक्ष अश्या वाड्या वस्त्यांकडे.हे सरकार फक्त नी फक्त उद्योग-धंदे पळवायच्या नादात व योजनेच्या आराखड्यात अडकलेले आहे. कधी मिळणार रस्ते! कधी मिळणार सुख-सुविधा! सर्वसामान्य जनतेचं ह्यांना काहीच पडलं नाही. रायगड प्रतिनिधी राहुल देशमुख सहित मुख्य संपादक न्यूज 18 जनमत वृत्तवाहिनी