मान्सून पूर्व मुंबईच्या रस्त्यांच्या कामामध्ये मुंबई महानगरपालिकेच्या अधिकाऱ्यांची डोळेझाक.

मुंबई महानगरी चे रूपांतर सिंगापूर मध्ये होत असतानाचे स्वप्न मुंबईकर पाहत असताना मुंबईतील मूलभूत पायाभूत सुविधांपासून मुंबईकर वंचित राहत असतानाचा दिसत आहे.न्यूज 18 जनमत टाइम्स चे मुख्य संपादक आणि टीमच्या ग्राउंड रिपोर्टच्या सर्वेक्षणानुसार मुंबईकरांना दैनंदिन जीवनात किती तारेवरची कसरत करायला लागत आहे याचा आढावा घेण्यासाठी आज ऐरोली टोल नाका जवळील ट्राफिकची मुख्य समस्या लक्षात घेता आय आर बी टोल नाक्याचा गलथान कारभार समोर आला.टोलनाका परिसरामध्ये कुठची पायाभूत सुविधा न देता टोल वसुली तसेच टोल कर्मचाऱ्यांचे गैरवर्तन याला जबाबदार कोण? तसेच टोल नाका क्रॉस केल्यानंतर खड्डा रस्त्यामध्ये आहे की रस्ता खड्ड्यामध्ये आहे याची पोलखोल करण्याचा प्रयत्न करत असताना मुंबईतील टॅक्स पेअर जनतेचे हावभाव कॅमेरा मध्ये टिपण्याचा प्रयत्न केला.वास्तविक मान्सूनपूर्व रस्त्यांची डागडूजी करण्याचे आद्यकर्तव्य प्रशासनाचे असताना देखील प्रशासन याकडे दुर्लक्ष का करत आहे? हा सर्वसामान्यांच्या मनात प्रश्न उद्भवत आहे.ठेकेदार आणि महानगरपालिकेचे काही भ्रष्ट अधिकारी यांच्या आपसातील संगणमताने मुंबईतील रस्त्यांवर स्मशान सदृश्य परिस्थिती पहावयास मिळत आहे.अशा मुंबईतील रस्त्यांवर जीवित आणि वित्तहानी होण्याच्या घटना रोजच कानावर पडत आहेत, याला वाली कोण? अशा घटनांवर होणाऱ्या सदोष मनुष्यवधाचा गुन्हा दाखल तरी कुणावर करायचा हा प्रश्न उभा ठाकत आहे.मुंबई महानगरपालिका मान्सून पूर्व नालेसफाई साठी कोरडे रुपयाचा निधी उपलब्ध करून देत असताना देखील पावसाळ्यात पूर सदृश्य परिस्थिती पहावयास मिळत आहे.नालेसफाईच्या नावावर करोडो रुपयांचा निधी देऊन महानगरपालिकेच्या भ्रष्ट अधिकारी आणि कॉन्ट्रॅक्टर यांच्या मार्फत नालेसपाची पाहणी करण्यासाठी मुख्यमंत्र्यांसाठी रेड कार्पेट अंथरली जात आहेत.तसेच घनकचरा व्यवस्थापनाच्या देखील गलथान कारभारामुळे डम्पिंग ग्राउंड वर जेवढा कचरा जातो तेवढाच काळा पैसा या भ्रष्ट अधिकाऱ्यांच्या घरामध्ये देखील जातो हे बोललं तर वावग ठरणार नाही.आशा मुंबईतील समस्यांकडे महानगर पालिकेचे भ्रष्ट अधिकारी यांनी जातीने लक्ष दिले नाही तर भविष्यामध्ये देखील न्यूज 18 जनमत नेहमी सतर्क राहून अशा भ्रष्ट अधिकाऱ्यांची पोल खोल करत राहणार.