महाड औद्योगिक क्षेत्रातील कारखान्यातील घातक रसायनिक पाणी थेट नदीपात्रात सोडू नये!अन्यथा घातक रासायनिक पाणी सोडणारी पाईपलाईन फोडली जाईल!रायगड वंचित बहुजन माथाडी व जनरल कामगार ट्रान्सपोर्ट युनियन चे अध्यक्ष नागेश दादा देशमुख यांनी कारखाना मालकांना इशारा दिला.

महाड औद्योगिक क्षेत्रातील कारखान्यातील घातक रसायनिक पाणी थेट नदीपात्रात सोडू नये अन्यथा घातक रासायनिक पाणी सोडणारी पाईपलाईन फोडली जाईल !रायगड वंचित बहुजन माथाडी व जनरल कामगार ट्रान्सपोर्ट युनियन कारखाना मालकांना इशारा दिला. महाड एमआयडीसी मध्ये असणाऱ्या कंपन्यांमधून मोठ्या प्रमाणात घातक रसायने नदीपात्रात डायरेक्ट सोडली जातात.महाड सीईटीपी मंडळाकडून कारखान्यातून सोडलेले पाणी हे फिल्टर केल्याचा दावा कंपन्यांकडून केला जात असून.यावर खूप मोठा खर्च केला जातो. परंतु प्रत्यक्षात नदीत सोडलेले पाणी फिल्टर केलेले नसते.अत्यंत घातक रासायनिक पाणी थेट नदीत सोडले जाते. यात खूप मोठा आर्थिक अपहार अधिकारी करत असून. सावित्री नदी पूर्ण दूषित केलेली आहे .पर्यावरण दूषित झाले आहे.अनेकदा नदीतील मासे मृत झालेआहेत.पाण्याच्या दुर्गंधीमुळे नागरिकांना कॅन्सर सारखे रोग होत आहेत.अधिकारी वर्ग त्यांचे खिसे गरम करून घेत आहेत. म्हणून अशा सर्व अधिकाऱ्यांच्या संपत्तीची चौकशी आर्थिक गुन्हे शाखे कडून झाली पाहिजे.यापुढे थेट नदीपात्रात सीईटीपी पाईपलाईन मधून पाणी सोडू नये.नदीकिनारी छोटा तलाव बांधून तलावात सीईटीपी चे पाणी व मासे सोडून जर मासे जगले तरच तलावातून पाणी नदीपात्रात सोडले जावे.तातडीने कारवाई व्हावी पंधरा दिवसात कारवाई न झाल्यास सावित्री नदी दूषित घातक रासायनिक पाणी सोडणारी सीईटीपी ची पाईपलाईन फोडली जाईल.परिणामांची सर्व जबाबदारी महाड औद्योगिक महामंडळाची आणि महाड सीईटीपी प्लांटची असेल.असे पत्र संबंधित विभाग व प्रशासनाला देण्यात आले आहेत.यावेळी वंचित बहुजन माथाडी व जनरल कामगार ट्रान्सपोर्ट युनियन रायगड जिल्हा अध्यक्ष नागेश चंद्रकांत देशमुख, जिल्हा उपाध्यक्ष दीपक प्रकाश गायकवाड, जिल्हा सचिव श्रीहर्ष श्रीकांत कांबळे, जिल्हा सदस्य निकत तांबट, रिक्षा युनियनचे खजिनदार रुपेश सकपाळ आणि कार्यकर्ते उपस्थित होते. मुख्य संपादक सतीश नलावडे न्यूज 18 जनमत वृत्तवाहिनी महाड.